തന്നെക്കുറിച്ച് ഗോസിപ്പുകൾ പറഞ്ഞു പരത്തിയ യുട്യൂബർമാർക്ക് മുന്നിൽ ചിരിയോടെ നയൻതാര. താരജാഡകളൊന്നുമില്ലാതെ യുട്യൂബർമാരോട് മക്കളെക്കുറിച്ച് സംസാരിക്കുകയും അവർക്കൊപ്പം ഫോട്ടോയ്ക്ക് പോസ് ചെയ്യുകയും ചെയ്തു താരം.
ദുബായി വിമാനത്താവളത്തിലായിരുന്നു ഈ കൂടിക്കാഴ്ച നടന്നത്. നയൻതാരയും വിഗ്നേഷും മക്കളായ ഉലഗിനെയും ഉയിരിനെയും വ്ലോഗർമാർക്ക് പരിചയപ്പെടുത്തുന്നത് വീഡിയോയിൽ കാണാം. ഉയിർ, മൂന്ന് പേർക്കും ഷെയ്ക്ക് ഹാൻഡ് നൽകുകയും ഉലഗ്, തമിഴിൽ വണക്കം പറയുന്നതും വീഡിയോയിൽ ഉണ്ട്.
‘ഇവർ നന്നായി തമിഴ് പറയുന്നുണ്ടല്ലോ, നന്നായി തമിഴ് പഠിച്ചിട്ടുണ്ടല്ലോ’ എന്ന് യുട്യൂബർമാർ പറയുമ്പോൾ വീട്ടിൽ തമിഴാണ് സംസാരിക്കുന്നതെന്ന് നയൻതാര മറുപടി പറയുന്നുണ്ട്. ഇവർ ഐഡന്റിക്കൽ ട്വിൻസാണോ എന്ന് ചോദിക്കുമ്പോൾ അല്ലെന്ന് മറുപടിയും നയൻതാര നൽകുന്നുണ്ട്.